Pantun Minang Lucu Kompilasi Terbaru

Ka muko bantangan lapiak
Bawo siriah samo jo pinang
Ko baitu pintanyo adiak
Bulan muko uda pulang untuak maminang

Banyak daun ka manjadi ubek
Salah cieknyo daun Siriah
Manga dulu awak dakek
Kalau ujuangnyo tetap bapisah

Ka rimbo mudiak karatau
Di situ tumbuah siriah jo pinang
Jikok lamo bana uda di rantau
Indak ka takuik adiak diambiak urang?

Siriah diambiak hari ka patang
Pai bajalan mambawo parang
Bukannyo uda yang ndak kunjuang datang
suratan badan masih di rantau urang

Jalan ka tabek banyak ilalang
Lauak di jua bakiloan
Bukan uda tak kunjuang pulang
Untuak maminang adiaklah di rantau uda pajuangan

Anak kini banyak nan cadiak,
Cadiak mamanciang di tapi tabek, 
Batambah paniang kapalo uda diak, 
adiak manyasak-nyasak mintak dikabek 

Jalan jalan di tapi tabek
Ado urang main ular tangga
Mandanga adiak ka baralek
Hati jo jantuang raso ka tangga

Ka bukik mancaliak jam gadang,
Singgah dulu ka tabek mamak.
Bausaho sampai bagadang,
Jalan Jadi sarjana alun juo nampak.

Ikan Nila palai bada,
Di tabek banyak ula.
Jaan lupo usaha jo doa,
Pa banyak ba saba.

Rutiang ditabek alah kasa
Dipangek jo kacang panjang bali dipasa
Indak mamintak tiok sabanta
Jikok dibalian nyo sanang bana

Mamanciang di tabek tapi banda
Dapek ikan nan kasa-kasa
Baa ndak kasanang hati uda
Adiak tasayang mangarati keadaan uda

Hari siang mamanciang bada
Di tapi tabek duduak malepak
Alah piradan kaki adiak dek manunggu da
Nan uda indak jo kunjuang nampak

Acok tamanuang acok tapana
Kironyo ditabek lah baserak se tulang
Oi uda jan lamo bana mangumpuan dana
Beko adiak lah dibaok urang