Pantun Minang Sakit Hati Terbaru

Batang karambia dipanjek Baruak.
Baruak Mati disangek galo-galo.
Awak Buruak Parangai Buruak.
Mancari pasangan Mamiliah pulo.

Hari Minggu pasa Sumani.
Urang Aripan Mambali bakwan.
Sabana bedo anak zaman kini.
Ka pacar tunduak ka gaek malawan.

Nan Talang namonyo Gunuang.
Di Tanah Data namonyo Singgalang
Banyak bana kawan ndak tau diuntuang.
Katiko wak bansaik nyo bae mailang.

Nan gagah hanyo anak amak. 
Nan kayo anak rajo Sutan. 
Kalau utak alah mulai samak. 
Mancaliak urang, takah mancaliak setan. 

Di bogor ado Puncak.
Di sukabumi ado pelabuhan Ratu.
Waktu siang adiak lai rancak.
Kok lah malam adiak bantuak buruang antu.

Ka hilie dulu-baru pai ka mudiak.
Mancaliak urang manambang timah.
Indak usah lah sok rancak diak.
Dalam tanah di makan caciang juo mah.

Kalapau mancari bakwan.
Bakwan dimakan nan jo lado.
Nan aWak ngarati ka kawan.
Nan kawan ndak mangarati ka awak do

Tampek aia dalam teko.
Teko Tabuek dari Basi.
Paruik ko yo sabana cilako.
Pagi-pagi inyo lah mintak Nasi.

Ka Singkarak mancari Bilih.
Bilih di goreang nan jo kantang.
 Nan urang di kaja dek pitih.

Nan awak di kaja dek Utang.