Pantun Minang Gombal Untuk Perempuan Lucu

Abuih aia jo pariuak.
Aia di abuih untuak buek cappuccino.
Ko Bantuak uda emang lah buruak.
Tapi masalah kesetiaan,jan di tanyo.

Amak wak mambuek kue.
Kue dimakan jo samba lado.
Kalau dapek dek uda nan sabane e.
Indak ka uda si-siokan adiak do

Labek bana si daun Banto.
Tampek basarang bintang Acek.
Kalau adiak malu mangatokan cinto.
Agiah tando lah ka uda agak saketek.

Si Ani Anak urang Solok.
Pai Maratau ka jakarta.
Dari Balakang mancaliak darah tasirok.
Dari mungko mirip jo Waria.

Ka kadai mambali bada.
Bada di buang kadalam samak.
Kalau adiak lai sayang ka uda.
Lai amuah adiak jadi minantu amak?

Di bogor ado Puncak.
Di sukabumi ado pelabuhan Ratu
Waktu siang adiak lai rancak.
Kok lah malam adiak bantuak buruang antu.

Mamanjek ka ateh genteng.
Di ateh genteng ado Baruak.
Kecek amak uda,uda ko ganteng.
Tapi baa kecek adiak uda ko buruak.

Si udin pai ka mudiak.
Ka mudiak manjua bilih.
Niek Hati lai nak melamar adiak.
Tapi apo kadayo,uda alun ado pitih.

Batabek ikan di tangah sawah.
Tabek di isi jo ikan nila.
Kasiah sayang sadang tacurah.
Adiak bakato salamaik tingga.