Pantun Minang Terlucu

Gabak manjadi di kota solok.
Turunlah hujan dimalam hari.
Sabak bacampua tangih jo ratok.
Dek mancaliak dompet indak barisi.

Ramo-ramo tabang kaparak.
Tibo diparak hinggok ditalang.
Ibo hati sikudo tengkak.
Kalah bapacu dalam galanggang.

Ditanam baniah sarumpun padi
Baru katumbuah dimakan pianggang
Jo apo oto avanza ka uda bali
Makan dilapau acok bautang

Kancang balari sianak kijang.
Kijang mati dek kanai tembak.
Nyampang kok rabah kayu nan gadang.
Koncekpun sato pulo mamijak.

Bialah turun si hujan rinai
Buliah ndak tampak si aia mato
Bialah kini kasiah diungkai
Ndak dapek restu dek urang tuo
.
Sabana sadiah carito randai
Dimainkan baibo-ibo
Lapehkan malah diri denai
Usah manjadi anak durhako
.
Adiak tasabuik urang tapandang
Urang gadang ditangah koto
Sadangkan denai dagang tabuang
Jan kan rumah pondok tak punyo
.
Adiak ameh denai ko loyang
Dimalah mungkin ka sarupo
Sananglah adiak ditangan urang
Tinggalah denai nan jo untuangnyo

Hujan turun di tangah hari
Siang lah baransua patang
Den tangguang rusuah hati
Parasaian batangguang surang

Tanamlah siriah dalam ladang
Daun kambang antah pabilo
Coiko lah nasib anak dagang
Badan bana nan buruak pinto