Kumpulan Pantun Minang Romantis

Taratak gunuang paseban
Kurinci bari babaju
Taragak usah bapasan
Dalam mimpi kito batamu

Baa bana harumnyo pandan
Asam jao serak serak an
Baa bana denai ka manahan
Cinto dilarai asok kumanyan

Api api saribu satu
Ba asok muko balakang
Dihati sangaik katuju
Kawan barabuik samo gadang

Api padam asok lah abih
Hujan turun bagugughuah
Ko tuan baniaik mambajak sawah
Nan pamatang jan sampai ghuntuah

Urang baso jalan ka mudiak
Di mudiak bali pisang salai
Biaso biaso selah gaya tu diak
Jan a-sok lo gaya adiak lai

Pai bajalan ka Payokumbuah
Ka Payokumbuah maminum kopi
Adiak kini alah jauah
Tadanga kaba adiak lah balaki.

Mambubuang asok marapi
Indak sataba asok nyo sago
Manabuang lah buyuang kini
Ka modal baralek siap hari rayo

Dari payokumbuah ka Bukiktinggi
Asok mambubuang ka udaro
Ba a kaba dunsanak kini
Mudah mudahan lai sehat-sehat sajo

Karambia satandan labek
Baminyak dalam kuali
Ba asok di bawah tungku
Bapasan denai saketek
Acok-acok main kamari
Buliah bakawan kito dahulu

Tinggi mambubuang tabangyo asok
Mairiang doa tuangku baso
Santano adiak batanyo harok
Bisuak ko juo kito basuo

Pai malala ka Koto Kaciak
Ado urang maambuih asok
Lah panek uda mancaliak Adiak
Dak jaleh sababnyo mangambok


Ba a bana harumnyo pandan
Asam jao serak serak an
Ba a bana denai nak manahan
Cinto dilarai asok kumanyan

Oto puso lalu di Pakan Rabaa
Asoknyo hitam dan sangaiklah taba
Tuak kini chat 'salamaik pagi' lewat WA
Tahun bisuak langsung Adiak sorak an ka talingo Uda

Baitu caro mahilangan cindawan
Iduikan api tunggu barasok
Kato salamaik malam a nan kabatungguan
Ambiak se lah salimuik lai bahe lalok

Okok luffman abuange gadang
Asok e balega salingka nagari
Kok baniahnyo ampo babilang
Lah adangan sawah ndak kamanjadi

Baka sarok hari lah patang
Nan asoknyo jan kanai ka muko
Agak dioyak lah galanggang
Bia agak taurai timeline twitter ko

Kucing balang baranak balang
Golek golek diateh niru
Urang gaek mancilok lamang
Luko bibia dek sambilu

Dibaka rumpuik jo rumbio
Asok nyo sampai ka rumah bako
Buekan adiak rumah jo teras di lantai duo
Adiak buekan uda kopi tuak kawani kito dihari tuo

Kok nak tau jo raso asok
Cubo hiruik sampai koid
Kok bisa sanak manakok
Bara main juve jo madrid

Asok taba urang mambaka sarok
Sarok dibaka di parak karakah
Badan Uda se nan badagok
Tapi ndak barani datang ka rumah

Asok tambakau dipamainan
Nan lamaknyo bakawan jo kopi
Emang iyo awak samo tagak di pelaminan
Adiak basuntiang nan uda pakai topi

Asok mambubuang di rumah balakang
Kironyo sadang mambaka lamang
Tadi malam pendukung roma basorak kajang
Nan barca pendukung e tatilantang

Padiah mato kanai asok
Asok taba tinggi mambumbuang
Samalam manyasa dek takalok
Pagi-pagi dapek kaba City masuak karuang

Sampai kasiko asok gulai jangek
Sampai ka rumah yang punyo padati
Jan dikecekan juo adiak nan jaek
Uda tu bana acok bamain hati

Malam hari bakumpua jo kawan-kawan
Nampak kompor ado nan barasok
Ibo hati katiko adiak tinggakan
Saparuah hati uda langsuang sakalian tabaok

Urang demo mambaka ban
Asok itam mambumbuang tinggi
Mantan tibo maantaan undangan
Suruah tibo jo pasangan kalau pai

Duduak di kadai sambia mangopi
Tambah asok tembakau ota diputa
Dek jadi undangan makonyo batopi
Kok jadi nan maundang harusnyo badeta