Pantun Minang Nan Syariah

Urang baralek gulai cubadak.
Nasi Dimakan badakak-dakak.
Sumayang Indak Managji Indak.
Mintak Ka Tuhan Banyak Pulo Kandak.

Gulai cubadak gulai paku.
Dijarangan di hari sabtu.
Jiko hati rusuah ndak manantu.
Hanyo Tuhan tampek mangadu.
(by: padek)

Indak dapek sarimpang padi.
Batuang den balah ka parahu.
Indak dapek sa kandak hati.
Kandak Allah juo nan balaku.
(by: padek)

Pisau silet pisau belati.
Dibuek anak daerah bayang.
Jikok sanak barusuah hati.
Baok Sembahyang Bia nyo tanang.

Durian batawi durian Balando.
Sairiang jalan Kito baduo.
Jikok Lai karano Allah bajaweknyo.
Salam lah jo ayah nan kajadi mintuo.

Hinggok barabah diateh dahan.
Mati ditembak urang salayo.
Kok indak jodoh nan dari Tuhan.
Alah baralek bapisah juo.

Patah bacinto itu biaso.
Suratan Allah ndak ado nan tahu.
Kok lai jodoh dari nan kuaso.
Kayo jo bansaik bisa basatu.